‘A vita è ‘nu muorzo!

T’affanni, t’ ingegni
t’arraggie e t’a piglie.
Saglie e scinne…mai ‘na vota ca te firme!
‘E  sorde…’a fatica… nun t’abbaste ‘na vita!
E po’…chillu core, nun ‘u staje mai a sentì!
Te dice caccòsa…tu ‘u mette a durmì.
…ce penso dimane…mò tengo che fà!
Po’ vene dimane e nun cagne a canzone…
Je tengo che fa…che..me metto a pazzià?
Ma insomma…te firme..nu poco sultanto!
…’a vita è nu muòrzo…te po’ ghì pe traverso…
Te siente arrivato… te siente nu rre
Abbasta  nu mumento pe te fà cadè!
Scite l’uocchie! Guarda ‘bbuono!
Ma comme… nun vide…
l’ammore… ‘e criature… l’addore d’u mare…
Sennò è troppo tardi e po’ comme se fà?!
Nun tieni cchiù tempo neanche ‘e pensà!
‘A vita è mò sultanto… ‘u tiemp nun po’ turnà
pirciò piensece ‘bbuono primme ‘e campà!

Lascia un commento

Il tuo indirizzo email non sarà pubblicato. I campi obbligatori sono contrassegnati *